Brighton lakah Chelsea an zawr

FA Cup aṭanga an pet chhuah hnuah Brighton chuan Chelsea chu Premier League-ah 3-0 in an hneh, kar khat chhungin Blues hi ṭum hnih an hneh hman tihna a ni - Enzo Maresca leh a naute tan mualphona a tling.

Chelsea manager Enzo Maresca-a'n FA Cup boruak leh EPL a danglam a beisei thu a sawi a, mahse thawnthu a danglam ta chuang lo. American Express Stadium-a inkhelah Kaoru Mitoma-a goal mawi bakah Yankuba Minteh chuan vawi hnih a khung a ni.

Japanese forward Mitoma hian goalkeeper Bart Verbruggen-a ball vawrh luh chu a ke ding lamin a la thla zeuh a, amah vengtu defender Trevoh Chalobah bum nghalin Blues keeper Filip Jorgensen dan phak loh a kilah a khung, goal ṭha bik a ni.

Brighton goal hnuhnung pahnih Yankuba Minteh-a'n a khung dawn pawhin Blues tlarhnung a pherh a, manager Maresca tan siamṭhat ngai lai a tam - nikum tawp lama pahnihna ni thei London club tan palina nih phak pawh a harsa dawn niin a lang.