Amad a inhliam na

Manchester United forward Amad Diallo chu a ke rek hliam vangin tun season pum chawl thei dinhmunah a ding. Ruben Amorim-a hote hian nizan khan Tottenham Hotspur an hmachhawn a, result kan hre hman lo.

Amad chuan, "Season hun pawimawh taka ka hliam thu sawi a ṭul hi pawi ka ti takzet. A hma aia ṭha zawkin rawn kir ka tum ang," tiin a sawi. Ivorian forward hian tun season match hnuhnung 14-ah goal ruk a khung.

Man United hi hliam vangin an buai mek. Amad bakah hian kum 19 mi Kobbie Mainoo chu a kar hnih vel a chawlh rih a ṭul dawn a, Argentine defender Lisandro Martinez pawh khup hliam vangin tun season-ah a inlan dawn tawh lo.