US Open Match 306 chak thei Serena

Serena Williams chuan Ningani zan khan US Open second round khelin Vania King lakah 6-3, 6-3 in hnehna a chang. American star hian Grand Slam inelna bikah match 306 zet hnehna a chang tling ta.

Serena-i'n kumina Wimbledon nomawi a chawi khan major title 22 la thei Steffi Graf record a tluk chiah a - German nula record ropui hi a khum zui mai thei bawk.

Serena hian second round a paltlang chiah khan Grand Slam bikah hian match 306 hnehna chang tawhin vawi 42 chak loh a nei thung a, vawi 306 hnehna changa vawi 49 tlawm Martina Navratilova record a tluk chiah bawk - record thar siam turin vawi khat chak bak a mamawh tawh lo.

World number 1 Se-rena chuan, "Tihsual ka ngah hle a, a pawimawh ber erawh round sang zawk ka lut hi a ni. Tunah chuan ka dar na pawh a dam tawh a, ka hriselna vawn ṭhat chhunzawm a pawimawh," tiin a sawi.

Kum 34-a upa Serena hi US Open bikah hian vawi ruk a champion tawh a, kuminah hian Australian Open leh French Open-ah te champion zo lo mah se tun ṭumah hian player tawh khirh ber pawl a ni leh tawh.

Inkhel dang

Seeded palina Agniesz-ka Radwanska-i'n world number 82 Naomi Broady lakah fiahna hautak a paltlang. Radwanska hian British nula Broady-'n set point vawi li ngawt a hmuh tawh chu pawt thlain 7-6 (11-9), 6-3 in hnehna a chang.

Arthur Ashe Sta-dium-a inkhel dangah seeded pangana Simona Halep chuan Lucie Safarova 6-3 6-4 in a hneh a, seeded parukna leh vawi hnih champion tawh Venus Williams chuan German nula Julia Goerges chu 6-2, 6-3 in a hneh ve bawk.