Foxes-ah Simpson a cham zel dawn

Leicester City defen-der Danny Simpson chuan King Power Stadium-ah season thum chhung hun hman chhunzawm turin contract a ziak a, kum 2019 thleng Foxes tan a khel dawn tihna a ni.

Kum 29-a upa defen-der chuan, "Contract thar ka ziah avangin ka hlim takzet a, kum hnih chauh he club-ah hian hun ka la hmang chungin hma kan sawn nasa em em a ni," tiin Foxes tana a khel zel tur chu a hlim hle.

Simpson hian August 2014 khan Queens Park Rangers aṭangin Leicester hi a zawm a, season hmasaa Premier League nomawi an chawina kawngah match 31 lai a inlan thei a ni.

English defender hma hian player pawimawh Danny Drinkwater, Riyad Mahrez, Jamie Vardy, Kasper Schmeichel, Wes Morgan leh Andy King bakah manager Claudio Ranieri te chu an contract thar an lo ziak tawh bawk.