Pakistan an chak thei lo

England-a ODI series khel mek Pakistan-in match nga khelh tur an neihah match li khel tawhin chak hmel an la hmu lo. Ningani zan khan England leh Pakistan hian ODI match lina hi khelin mualneitu England hian wicket liin hnehna hi an chang a ni.

Bat hmasa zawk Pa-kis-tan-in over 50 chhunga run 247 siamin mi pariat an hloh a, run 80 siamtu captain Azhar Ali leh run 57 siama a tawp thleng dam Imad Wasim te an chet ṭhat avangin a vawi khat nan chak hmel hmuh inbeisei takin Over 50 an hmang zo.

Mahse, ODI match nga khelh tura vawi thum chaka serier la chiang tawh England-in inthlahdah an tum lo. Run 69 siamtu Ben Stokes leh run 61 vaw chhuaktu Jonny Bairstow te an chet ṭhat avangin England hian over 48-ah run 252 siamin an target an umpha der a, mi paruk chiah hlohin hnehna an chang ta a ni.

Pathianni tlai dar 3:00-ah England leh Pakistan hi an match ngana khel turin an inhmachhawn leh ang a, September 7-ah Twenty20 match khat an khel leh bawk ang.