Thlahna dangdai nen De Jong

Nilaini khan LA Galaxy defensive midfielder Nigel de Jong chuan Major League Soccer club hi chhuahsanin Galatasaray chu season hnih atan a a zawm a, MLS chuan Netherlands thlahna video dangdai tak twitter lamah an pho chhuak.

MLS video hi second 66-a rei niin Netherlands international hian yellow card pathum leh red card pakhat a hmuh lai te, match thum hrem a nihna chhan Portland Timbers midfielder Darlington Nagbe laka hlauhawm taka a foul lai te dah a ni a, video tawp lamah hian De Jong tel lo hian LA Galaxy chu an ṭhat sawt tur thu tarlan a ni bawk!

LA Galaxy tana match 18 chiah khel hman De Jong hi Euro 2016 an khelh phak loh hnuah Ne-therlands tan koh chhun-zawm a ni tawh lo a, Tur-kish club Galatasaray hi free transfer-in a zawm a ni.