Big Sam-a hnuaiah England match hmasa ber
Pathianni zan dar 9:30-ah England chuan manager thar Sam Allardyce hnuaia an match hmasa ber an khel dawn a, Slovakia khelmualah World Cup qualifier khel turin an zin chhuak ang.
Team pahnih hi Euro 2016 khelh zawh takah khan group stage-ah 0-0 in an lo inhnehtawk tawh a, France-a inlan Slovakia team danglam tam lo mah se England erawh manager thar hnuaia khel tur an nih avangin an inkhel tur hi football ngainatute nghahhlelh a ni.
Captain Rooney hoin
Sunderland boss hlui Big Sam-a'n England a enkawl hnuah an ram team captain turin Wayne Rooney aia lian a hmu lo a, Manchester United captain hi khelmual chhunga team kaihhruai tura mawhphurhna hlen zo ber a nih thu a sawi - Pathianni zanah a thusawi dik leh dik loh kan hmu ang.
Sam Allardyce-a'n Euro 2016 khel zingah Jack Wilshere, Ross Barkley leh Ryan Bertrand te a ko lo a, England tana la inlan lo winger Michail Antonio, Leicester City midfielder Danny Drinkwater leh Arsenal forward Theo Walcott te a ko thung.
Manchester City-a hmun a chan phak loh hnua Torino pantu goalkeeper Joe Hart-a elpui tura ngaih Southampton keeper Fraser Foster a inhliam avangin tun season-a la inkhel tam lo Hart hian inkhel bul a
ṭan ngei rin a ni.
Saints keeper Fraser Fos-ter aiah hian club lama a tha-chhang dawltu Alex McCarthy chu koh a ni a, kum 26-a upa keeper hian England tan si ban a la nghak ngai lo.
Ven ngai Hamsik
Euro 2016-a England leh Slovakia an inhmachhawn
ṭum-in English player-te chhaih mangang ngun bertu chu Marek Hamsik a ni a, England-in khualmualah chak an duh dawn a nih chuan Napoli playmaker hi an ven uluk a ṭul hle ang.
Slovakian player of the year ṭum nga lai ni thei hian kum 2010 World Cup-ah khan captain armband hrengin Slovakia a lo kaihruai tawh a, an ram chanchina Euro an khelh hmasak berna Euro 2016 khel turin qualifying-ah khan goal nga a khung. Season hman zawh takah khan Serie A-ah a ani aia chance siam hnem an awm lo a, amah hnaih bertu aiin vawi 14 zetin chance a siam hnem zawk.
Tlar hnung lamah pawh Slovakia an ngaihtuahawm loh. Liverpool defender hlui Fenerbahce lama kal ta Martin Skrtel chuan captain armband hreng chungin an ram team a rawn kaihhruai leh ngei a rinawm a, Bundesliga club Hertha BSC defender Peter Pekar leh Marseille defender Tomas Hubocan te an awm bawk avangin Harry Kane-a hoin England tlar hma hna a hautak sawt dawn.
England-in history an keu let duh a nih erawh chuan team pahnih vawi li an inhmachhawn tawhah vawi thum a chak zawkah ṭangin vawi khat an inhnehtawk a, ngaihṭha tur zawk an ni.
Fixtures
September 4, Pathianni
San Marino 9:30 PM Azerbaijan
Denmark 9:30 PM Armenia
Kazakhstan 9:30 PM Poland
Lithuania 9:30 PM Slovenia
Slovakia 9:30 PM England
Czech Republic 12:15 AM N Ireland
Norway 12:15 AM Germany
Romania 12:15 AM Montenegro
Malta 12:15 AM Scotland
September 5, ThawhṬanni Zan
Georgia 9:30 PM Austria
Serbia 12:15 AM Rep of Ire
Wales 12:15 AM Moldova
Albania 12:15 AM FYR Macedonia
Israel 12:15 AM Italy
Spain 12:15 AM Liechtenstein
Croatia 12:15 AM Turkey
Ukraine 12:15 AM Iceland
Finland 12:15 AM Kosovo
September 6, Thawhlehni Zan
Belarus 12:15 AM France
Bulgaria 12:15 AM Luxembourg
Sweden 12:15 AM Netherlands
Andorra 12:15 AM Latvia
Faroe Islands 12:15 AM Hungary
Switzerland 12:15 AM Portugal
Bosnia-Herzegovina 12:15 AM Estonia
Cyprus 12:15 AM Belgium
Gibraltar 12:15 AM Greece
Group InṬhen Dan
Group A : Netherlands, France, Sweden, Bulgaria, Belarus, Luxembourg.
Group B : Portugal, Switzerland, Hungary, Faroe Islands, Latvia, Andorra.
Group C : Germany, Czech Republic, Northern Ireland, Norway, Azerbaijan, San Marino.
Group D : Wales, Austria, Serbia, Republic of Ireland, Moldova, Georgia.
Group E : Romania, Denmark, Poland, Montenegro, Armenia, Kazakhstan.
Group F : England, Slovakia, Scotland, Slovenia, Lithuania, Malta.
Group G : Spain, Italy, Albania, Israel, Macedonia, Liechtenstein.
Group H : Belgium, Bosnia Herzegovina, Greece, Estonia, Cyprus, Gibraltar.
Group I : Croatia, Iceland, Ukraine, Turkey, Finland, Kosovo.