Hmabak ka la nei - Sakshi

August 17 khan India chuan Rio Olympic-a a medal hmasa ber a la a, Sakshi Malik chuan hmeichhe wrestling-ah bronze medal lain Indian hmeichhe wrestler zinga Olympic medal dawng thei hmasa ber leh awmchhun a ni.

Kum 23-a upa Sakshi hi August thla tawp lam khan India-ah rawn hawin tun thlengin an chenna Rohtak, Haryana chu thuthar thehdarhtuten an la tlawh nasa hle - heng mite hmaah hian Sakshi chuan a hmalam hunah tih tur a la ngah thu a sawi chhuak.

Sakshi chuan, "Olym-pic-a vawi khat ka inlan naah hetiang dinhmun ka thleng thei nghal mai hi ka lawm a, inrintawkna chu nei mah ila tun hma khan kan ram hian hetiang em em hian ka chungah rinna an nghat tih hi ka hre phak ngai lo," a ti.

Thlingtlang nula zinga Olympic medal dawng theih a nihna kawng sawi chhunzawmin, "Kum 12 mi chauh ka nih lai aṭang tawhin wrestling hi ka luhchilh tawh a, ka duhthusam chu khawvela a ṭha berte zinga tel a ni ṭhin. Tunah chuan ka lo suangtuah ṭhin kha a takin a thleng dik ta a, ka hna ka zo tihna erawh a la ni lo - hmabak tam tak ka la nei," tiin a sawi.

Zawhna chhangin Sakshi chuan, "Inelna ka hmachhawn hma khan Indian athlete-ten result an ne ṭha lo hle a, anni khan an theihtawp an chhuah lo tihna a ni lo a, an vanduai vang a ni. Ka hun a rawn thleng ve khan khangte kha lungngaih nan ka hmang lo a, min cho phurtu atan ka hmang zawk," tiin athletle dangte result ṭha lo vanga a ṭan zual sawt thu a sawi bawk.