Felipe Massa a chawl dawn

Williams driver Felipe Massa chuan tun season zawh hunah Formula 1 inelna a chawlhsan tur thu a puang. November 27-a tlan tur Abu Dhabi Grand Prix chu a inlanna hnuhnung ber tur tihna a ni ang.

Kum 35-a upa Massa chuan, "Tun hi a hun tur diktak a ni," tiin kum 15 chhung a lo chenchilh tawh infiamna khawvel a mangṭha tur chungchang a sawi.

Sauber, Ferrari leh Williams car pawh khalh tawh Massa chuan sawi chhunzawmin, "Ka bulṭan hun ka ngaihtuah let hian tun hun ka thleng thei ve ta mai hi ka lawm a, thutlukna siam harsa tak erawh a ni," a ti.

Brazilian driver Massa hian kum 2006-2013 khan Ferrari car khalhin Formual 1 car a khalh hun chhunga a hun tawn san ber lai nia ngaih theih a ni a, 2008 khan pahnihna niin world champion champion Lewis Hamilton nen an inthlauhna chu point hnih chiah a ni.

Tun season inthlansiak vawi 13 an hmachhawn tawh aṭangin kum 35-a upa Massa hian point 39 a hmu tawh a, driver championship-ah 10-na ni mekin Pathianni hian Italian Grand Prix an tlan leh dawn a ni.