Son-a hoin South Korea an chak

Asia khawmualpui aiawha FIFA World Cup 2018 khel tur zawnna chu Ningani zan khan third round khelh ṭan a ni a, in-khel hmuhnawmah South Korea chuan 3-2 a China hnehin Japan erawh United Arab Emirates lakah 2-1 in an tlawm thung.

South Korea fapa Son!

South Korea-in tun hnaia Chinese Super Lea-gue vanga football khaw-vel ngaihven hlawh China an mikhual a, inkhel ṭan aṭanga minute 20-na lekah Son Heung-min a freekick aṭanga ball kal chu Zheng Zhi chuan an lamah a ti lut.

Mualneitu team hian Lee Chong-yong leh Koo Ja-cheol hmangin second half-ah goal hnih dang an khung chhunzawm a, heng goal hnihte hi Tottenham Hot-spur forward Son Heung-min ke aṭanga chhuak ve ve a ni. Minute 70 hnu lamah Yu Hai leh Hao Junmin te goal hmangin China-in thawh tum teh mah se an harh chhuah a tlai hret a, point an hlawh chhuak zo lo.

Group A inkhel dang-ah Uzbekistan chuan Alexan-der Geynrikh goal khung hmangin Syria chu 1-0 in an hneh bawk a, 2022 World Cup thleng tur Qatar lakah Reza Ghoochannejhad leh Alireza Jahanbakhsh ten goal khat ve ve khungin Iran chu 2-0 in hnehna an chanpui bawk.

Japan an tlawm

Asia football power house Japan-in hming lang--sar kawl ṭeuh mah se United Arab Emirates lakah hnehna an chang zo lo. Japan hian inkhel ṭan aṭanga minute 11-na leka Keisuke Honda ball tauh luh hmangin hma hruai mah se Ahmed Khalil chuan UAE tan freekick a-
ṭanga an si phurh a sut hnu--ah penalty hmangin an chakna goal a khung leh bawk.

Arsenal-in an lei thar, VFB Stuggart lama loan-a an kaltir lehnghal Takuma Asano chuan Japan tan second half-ah goal khung mah se match official lamin goal line-a pel lo nia ngaiin an pawm sak lo a, replay en erawh chuan a goal ngei niin a lang thung.

Group B inkhel dangah Australia-in team ṭha an la nei reng tih pholangin Iraq chu 2-0 in an hneh a, Queen Park Rangers midfielder Massimo Luongo leh Swiss Super League club Luzern forward Tomi Juric te chuan goal an khung. Saudi Arabia chuan Nawaf Al Abed penalty khung hmangin Thailand chu 1-0 in an hneh bawk.