Belgium fans-in Martinez an boo

Belgium-in an khaw-pui Brussels-ah Spain an hneh lo a, inkhel entu mipuiten manager thar Roberto Mar-tinez an au el (boo) hial.

Ningani zan inkhelah hian Spain manager thar Julen Lopetegui hun a inṭan ve bawk a, La Roja tan hian Spain midfielder David Silva chuan minute 34-na leh 62-naah goal khungin 2-0 in an chak.

Spain tan hian Euro 2016 khel tura koh loh Diego Costa pawh a khel ṭha a, Chelsea striker hian inhliam Alvaro Morata a thlak. Belgium-ah Spain in hnehna chang mah se inkhelh ṭantirh lamah erawh an thiamna tak an pho chhuak thei bik lo.

Hun tawp hma minute thum a la awmin player pawimawh Manchester City midfielder Kevin De Bruyne aiah Everton manager hlui Martinez-a'n Steven Defour a luhtir a, inkhel entu mipuiin lungawi lohna lantir ṭan-tir ṭanin hun tawpah uar takin an lantir leh bawk.

Belgium hian Thawh-lehni zan hian World Cup Qua-lifier-a an match hma--sa berah Cyprus an hmachhawn ang a, Thawh-
--ṭanni zanah La Roja in Liechtenstein an khelhpui thung ang.