France tan United forward Martial

Stadio San Nicola, Bari-a inkhel hmuhnawm takah France-in Italy 3-1 in an hneh a, chanchin chhin-chhiahtlak a awm nual.

Manchester United forward Anthony Martial chuan minute 17-naah Gianluigi Buffon goal ven-ah ram tana a goal hma-sa ber a khung a, goal khung theihna tura ball ṭha petu hi club tana a khelhpui Paul Pogba a ni.

Southampton striker hlui Graziano Pelle hmang-in Italy-in chhang let mah se Arsenal striker Olivier Giroud leh Paris St-Ger-main full-back Layvin Kurzawa te'n an khung belh a, goal hnuhnung ber hi khawvel player manto ber Pogba siam sak tho a ni.

Italy-in manager thar Giampiero Ventura hnuaia an match hmasa berah kum 38-a upa Buffon-a'n ram tana a match 160-na khelin second half-ah kum 17-a upa Gianluigi Donna-rumma'n a rawn thlak.

AC Milan keeper Don-na-rumma hi Italy tana keeper khel thei naupang ber a ni a, kum 105 chhunga Azzurri tana khel thei naupang ber a ni bawk. Buffon chuan amah thlaktu tura ngaih keeper hi 'mi bik' a ni thu a sawi. Juventus keeper hian 29 October 1997 khan ram tan a khel ṭan a, hemi hnu ni 484-naah Donnarumma hi a piang ve chauh.

Italy leh France in-khel hi 'video assistant referees' enchhinna atana hman a ni a, international match-a hman hmasak ber a ni. Penalty thutlukna chungchangah video replay hman theih a ni a, FIFA president Gianni Infantino chuan 2018 World Cup-ah hman theih a beisei thu a sawi.

Hetihlai hian 'video assistant referees' hi United Soccer League chhawng thumna velah chuan enchhin chhoh mek a ni. Kum hnih hnuah chuan ram parukah enchhin leh tur a ni ang a, Germany leh Italy te pawh an tel ang.