Sania Mirza chak Paes leh Bopanna chak lo

India tennis star US Open 2016-a inlan te zingah Sania Mirza chuan hmeichhe doubles-ah third round a lut a, mipa doubles lamah Leander Paes leh Rohan Bopanna te tan erawh an zin kawng a tawp.

Mirza leh a ṭanpui Barbora Strycova te hian Swiss Viktorija Golubic leh American Nicole Melichar te ṭangdun chu 6-2, 7-6(5) in an hneh. Mirza hian mixed doubles lamah pawh result ṭha a la neih chhunzawm zel rih a, a ṭangpui Ivan Dodig nen khawtual mi Donald Young leh Taylor Townsend te inkawp chu darkar khat leh minute hnih chhungin 6-4, 6-4 in an hneh bawk.

Mipa doubles lamah Paes leh a ṭanpui German tlangval Andre Begemann te chu French-Israeli pair Stephane Robert leh Dudi Sela te lakah darkar hnih tling lo deuh chhungin 6-2, 5-7, 4-6 in an chak lo. Inkhel dangah Bopanna leh a ṭanpui Frederik Nielsen te chu Brian Baker leh Kiwi Marcus Daniell te lakah 2-6, 6-7 (5-7) in an chak lo bawk.