Europa League khel lo tur Schweini

Manchester United midfielder Bastian Schweinsteiger chu Premier League squad-a telh a nih hnu lawkah Europa League squad-ah a hming a lang lo a, player 27 awmna squad-ah hian kum 18-a upa defender Axel Tuanzebe chu telh a ni thung.

Jose Mourinho-a'n United a enkawl hnuah Under-23 player zinga training nei tura a tih Schweinsteiger hi a mamawh loh thu hrilh mah se Germany captain hlui hian Old Trafford chhuahsan ai chuan hmun chang phak tura beih a thlang zawk a ni.

United hian Sep-tember 15-ah Europa League-a an match hma-sa ber chu Dutch club Feyenoord khelmualah an khel ang a, Group A-ah hian Turkish club Fenerbahce leh Ukraine club Zorya te an awm bawk.

Hetihlai hian Man-chester City boss Pep Guardiola chuan mid-fielder Yaya Toure chu Champions League squad-ah a telh lo ve bawk. City hian Champions League squad-ah ram pawn player 17 aia tam an telh thei lo a, Toure hi a tuartuah a ṭang ta a ni. City hian group stage an paltlang a nih chuan squad hi thlak danglam leh theih a ni ang.