Aguero tel loin Manchester Derby

Pep Guardiola leh Jose Mou-rinho ten Manchester Derby an hmachhawn hmasak ber turah City striker Sergio Aguero chu hrem vangin a inlan thei dawn lo a, United ṭantute tan chanchin lawmawm a ni.

Football Association chuan kum 28-a upa striker hi West Ham nen an inhmachhawn ṭuma Winston Reid a nghawk luih avangin match thum khel thei lo turin an hrem a, United bakah hian league match-a Bournemouth an mikhual hunah leh EFL Cup-a Swansea City an lenchilh hunah a inlan thei lo bawk ang.

Aguero hian league match thum an khelh tawhah goal thum khungin Champions League playoff-a Steaua Bucharest 5-0 a an sawp ṭumin hattrick a siam bawk a, September 10-a Old Trafford an lenchilh huna a tel thei lo tur hi City tan chuan channa a ni.