Kerber-i'n number 1 hnaih

World number 2 Angelique Kerber chuan num-ber 1 Serena Wil-liams dinhmun phettla turin kawng dik a zawh zel. Pathianni zan khan Wimbledon champion vawi hnih ni tawh Petra Kvitova chu 6-3, 7-5 a hnehin US Open 2016 quarterfinal a lut.

German nula Kerber-i'n last 16 a paltlang takah chuan WTA number 1 nih inchuh boruak a sang chho zel dawn tihna a ni. Serena tan a dinhmun ngai luah chhunzawm turin final a luh a ngai dawn - Final-ah player pahnihte hi an inhmachhawn a nih chuan Serena tan number 1 ni chhunzawm turin champion a ṭul ang.

Kum 28-a upa Ker-ber hian quarterfinal-ah chuan Roberta Vinci a hma-chhawn leh ang. Seeded pasarihna Vinci hian Lesia Tsurenko chu 7-6 (7-5), 6-2 in a lo hneh ve thung a, nikum finalist hi Kerber tan awlsam taka hneh ngawt chi a ni dawn lo.

Inkhel dangah world number 1 hlui Caroline Wozniacki chuan Grand Slam tournament vawi 18 a khelh aṭanga a vawi hnih nana quarterfinal lut turin khawtual nula Madison Keys chu 6-3, 6-4 in a hneh a, world number 48 Anastasija Sevastova chuan British number 1 Johanna Konta chu 6-4, 7-5 in a hneh bawk.