Pakistan-in series latu England an hneh

ODI series match nga khelh tura match li an tlawm hnuah Pakistan chuan Pathianni zan khan England chu wicket liin an hneh a, an mualpho lutuk tur hliahkhuh mah se series-ah erawh 4-1 in an tlawm ta tho a ni.

Bat hmasa zawk England-in over 50-ah run 302 siamin mi pakua an hloh a, opener Jason Roy (87 runs) leh Ben Stokes (75 runs) te an chet ṭhat avangin target huphurhawm tak an siam.

Mahse, Pakistan-in kut ruaka an khaw lam pan an duh lo. Over 48.2-ah mi paruk chiah hloha an target umphain run 304 an siam a, an khel ṭha takzet. Pakistan Shoaib Malik (77 runs) leh Sarfraz Ahmed (90 runs) te an khel ṭha a, run 34 siama a tawp thleng dam Mohammad Rizwan-a'n a thlawp ṭhat bawk avangin rin loh zawk Pakistan an chak.

England leh Pakistan hian Nilaini zan dar 11:00-ah T20 match Old Trafford-ah an khel leh ang.