Copa America Brazil leh Colombia inhmachhawn dawn
Russia 2018 FIFA World Cup khel turin South America ram 10 ten hmunruak panga an inchuh a, table-a hmahruaitu Argentina an sang fal bik lo. World champion vawi nga ni tawh Brazil harh chhuak mekin Nilaini zing dar 6:15-ah Colombia an hmachhawn ang - Copa America champion Chile an talbuai thung.
2014 hre reng rawh
Brazil-in 2014 FIFA World Cup an thleng a, quarterfinal an lut. Brazil hi Colombia nen inhmachhawnin 2-1 in hnehna an chang. Kha inkhelah khan Colombia defender Juan Zuniga chuan Neymar a hliâm a, Brazil captain tan inelna a tawp zui bawk.
Kumin Copa America Cen-tena-rio-ah ram pahnihte an inhmachhawn leh a, group stage-ah Colombia hian 1-0 in hnehna an chang - kha inkhelah khan Brazil thiampuipa Neymar chu hnawhchhuah ngai khawpin a tal hiar ve thung - tun
ṭum an inkhel tur pawh hi a boruak a dai lo ang tih a chiang.
Rio Olympic champion Brazil hian tun dinhmunah point 12 hmuin table-ah pangana an ni mek a, an khingpui tur pathumna Colombia nena an inthlauhna chu point khat chiah a ni. Coach thar Tite kaihhruaina hnuaia an match hmasa berah Neymar-a penalty leh Gabriel Jesus-a goal hnih hmangin Ecuador 3-0 a an sawp avangin inrintawkna an neih lai tak a ni.
Chung vs Hnuai
Nilaini zing dar 4:30 hian Ar-gen-tina chu table mawngphah a awm mek Venezuela nen an inhmachhawn dawn a, captain Lionel Messi chu hliam vangin a inlan dawn lo. Coach thar Edgardo Bauza tan Copa America Centenario 2016 quar-terfinal-a 4-1 a an hneh tawh team hneh nawn leh dan tur duan chhuah a huphurhawm hran lo mai thei.
Argentina tan hian Messi bakah Paulo Dybala chu hrem vangin a inlan thei dawn lo a, tlar hma lamah Sergio Aguero leh Gonzalo Higuain te koh an ni lo bawk hi Venezuela tlar hnung tan chuan thawk huaina tham a tling. Mahse, Tottenham forward Eric Lamela leh Angel Di Maria te an la awm miau avang-in thlamuang taka lo mi-khual ngawt chi chu an ni lo ang.
Point mamawh Chile
A zawna Copa America no-mawi chawi thei Chile-in World Cup qualifier-ah beisei an phak lo a, table-ah pasarihna ni mekin tuna an dinhmun ang hian a tawp an khar a nih vaih chuan Russia-ah an inlan dawn lo.
Match sarih an khelh aṭanga
ṭum thum ngawt an chak loh avangin Bolivia lakah point thum hmuh a pawimawh tawh. Coach Juan Antonio Pizzi-a'n captain leh goalkeeper ni bawk Claudio Bravo chu chhungkaw thil vanga a chhawr theih loh avangin midfiel-der tawnhriat ngah Arturo Vidal mawh-phurhna a san belh ang. Bayern Munich star hian an match hnuhnung bera Paraguay 2-1 a an hneh loh ṭum khan goal a khung nge nghe a ni.