Poland leh Kazakhstan inhnehtawk

Pathianni zan 2018 FIFA World Cup qualifier inkhelah Poland leh Kazakhstan te 2-2 in an inhnehtawk a, Europe Group E aṭangin Denmark chiahin an match hmasa berah hnehna an chang.

Poland hian inkhel bul ṭan fuh zawkin midfielder Bartosz Kapustka (9') leh captain Robert Lewan-dowski (35') te hmangin first half-ah 2-0 in hma an hruai a, awlsam taka chak tura ngaih an ni. Mahse, second half-ah Kazakhstan forward Sergei Khizhnichenko inlarin an siphurh sut nan goal hnih a khung a, point khat ve ve an hmu.

Denmark-in Christian Eriksen-a goal hmangin Armenia 1-0 in an hneh a. Armenia tan hian Man-chester United midfielder Henrikh Mkhitaryan chu hliam vangin a inlan lo. Inkhel dangah Romania leh Montenegro te 1-1 in an inhnehtawk bawk.