Cherries tiphurtu Jack Wilshere

Bournemouth mana-ger Eddie Howe chuan Jack Wilshere an lakluh vangin player dangin inrintawkna an ngah phah thu a sawi chhuak.

Transfer tawp niah Wilshere-a'n loan-in Cher-ries a zawm a, Inrinni khan AC Milan nen friendly match an khelh ṭumin a inlan ṭan.

Bournemouth chhuan-vawr Warren Cummings testimonial match-ah English club hi 2-1 in chak lo mah se Arsenal supporter-te uanpui ṭhin Wilshere-a'n Cherries jersey haa khelmuala a vawi khat inlanna a nih avangin Eddie Howe hote tan chuan inkhel chinchhiahtlak a ni.

Kum 38-a upa Howe chuan, "Khelmuala an luh hmaa Jack-a bula an din ringawt aṭang pawhin ka player-te an danglam tih ka hmu thei a, amah vangin Cherries player-te'n inrintawkna bakah dinhmun sang zawk an thlen theih ngei ka beisei. Midfield leh tlar hma
ṭha zawkin a zawm theih ka beisei a, chu chu kan team mamawh tak a ni. Wilshere-a theihnaah hian rinhlelh tur a awm tawh lo a, ball kan pek theih chuan team dang tan harsatna kan siam thei ang," tiin a player thar a fak.

Friendly match-ah hian Wilshere hian minute 45 chiah a khel a, Inrinni zana West Brom an mikhual hunah chuan minute tam zawk a khelh ngei beisei a ni.