Rd 1-ah Mapuia, Rd 2-ah?

Mizoram Premier League Season 5-ah Chhinga Veng forward Lalkhawpuimawia'n goal hnih a khung a, Kelkang tlangval hi round khatnaah a langsar ber.

September 8 hian MPL5 hi chhunzawm a ni leh dawn a, Aizawl FC-in Durand Cup an khelh avanga la inlan lo Chanmari FC pawh a inlan tawh ang. Lalsangzuala Hmar hote hian Dinthar FC lakah bul an ṭan dawn a, club pahnih hi MPL history-a club inhal ber ang hiala chhal ngam a ni.

Ningani zan hian league hmahruaitu Chhinga Vengin point la hmu lo Zo United an hmachhawn bawk ang.

Zirtawpni tlai inkhel a awm dawn lo a, Aizawl FC-in Durand Cup an la khelh avangin 2016 I Day Football rematch a awm dawn rih lo - Ramhlun North an la awl dawn tih-na a ni. Zirtawpni zanah mipui tamna veng Bethlehem Vengthlang leh Chanmari West te an inkhel dawn a, West Warrior hian Dinthar FC nen point an la hmu lo.