Inter school Basketball St.Joseph an champion

Mizoram Basketball Association buatsaiha neih Inter School Basket-ball Tournament vawi riatna chu nimin khan Hawla Indoor Stadium-ah zawhfel a ni a, Higher Secondary School boys final hmuhnawm takah St.Joseph HSS chuan 77-65 a Govt.Mizo HSS hnehin an champion. Hmeichhe inelna lamah Govt. Mizo HSS an chung-nung a, nimina final inkhelah St. Paul's chu 37-10 zetin an sawp a ni.

High School Boys final-ah Provi-dence High School leh Mt. Carmel HS inhmachhawnin team pahnih an inngam tawn hle a, 4th quarter a zawh meuh erawh chuan Providence-in 64-58 a hnehna changin nomawi an chawi ta zawk. Middle School boys final-a inkhel inhnehtawk takah Gospel Centenary School chuan 43-42 a Home Mission 'A' hnehin an champion bawk.