New Zealand tan Neesham-a kir

Tun thla tawp lama India-a tour nei tur New Zealand chuan an squad an puang a, hnungzang hliam vanga Zimbabwe leh South Africa test se-ries-a a inlan loh hnuah allrounder Jimmy Nee-sham chu India rama test series nei turin koh kir a ni.

New Zealand hian Afri-ca tour an neiha an hruai zingah opening bats-man Jeet Raval leh fast bowler Matt Henry-te chu squad-ah an telh lo thung a, African tour-a beisei phak lo Martin Gup-till chu squad-ah hian telh chhunzawm zel a la ni thung.

Kum 29-a upa bats-man hian ODI series match thum South Africa nen an khelh ṭumin match hmasa berah run 7, pahnihnaah run riat siamin match tawp berah phei chuan run siam loa vawm out a ni. Guptill hian Zimbabwe nena test series match thum an khelhah pawh hma a sawn chuang lo, run 40, 87 leh 11 siamin a mualpho a, India-a zin tur zinga thlan a la ni cheu hian mak tih a hlawh hle.

India tour nei tur New Zealand hian September 22-ah test series match hmasa ber chu an khel ang a, October 8-ah an zo ang. October 16-ah ODI match nga an khelh tura match hmasa ber an khel leh ang a, October 29-ah an match hnuhnung ber an khel thung dawn a ni. India hian squad an la puang ve lo.

New Zealand squad: Kane Williamson (cap-tain), Trent Boult, Doug Brace-well, Mark Craig, Mar-tin Guptill, Tom Latham, Jimmy Neesham, Henry Nicholls, Luke Ronchi, Mitchell Santner, Ish Sodhi, Tim Southee, Ross Taylor, Neil Wagner, B.J. Watling.