Rio-ah Indian athlete 17

Vawiin aṭang hian 2016 Summer Paralympics chu Brazil khawpui Rio-ah neih ṭan a ni dawn a, India chuan infiammi 17 tirin he inelnaa athletes a tirh hnem ber ṭum a ni.

Nimin khan Sports Ministry chuan Paralym-pics-ah hian Indian athletes gold dawng thei chu cheng nuai 75 an pek tur thu leh silver medalist hnenah nuai 50 leh bronze medalist tan nuai 30 an theh chhuah tur thu an sawi.

Kum 2004 Athens Paralympics-ah khan Devendra Jhajharia chuan fei khawh (javelin throw)-ah pakhatna dinhmun a lo luah tawh a, ani hi India tan he inelna liana gold medal la thei hmasa ber a ni nge nghe - kuminah pawh hian a inlan leh ang.

India aiawh turte:

Mariyappan Thanga-velu (high jump), Varun Singh Bhati (high jump), Pooja (archery), Sharad Kumar (high jump), Rampal Chahar (high jump), Sundar Singh Gurjar (javelin throw), Devendra Jhajaria (javelin throw), Rinku (javelin throw), Narender Ranbir (javelin throw), Sandeep (javelin throw), Amit Kumar Saroha (club throw), Deepa Malik (shot put), Dharambir (club throw), Ankur Dhama (1500 metres), Basha Farman (powerlifting), Suyash Narayan Jadhav (swimming), Naresh Kumar Sharma (shooting).