Corner chungchangah Kane nuih a za

Euro 2016-ah khan Harry Kane chu England tana corner pettu a ni a, box chhunga goal khung tura awm tura beisei striker-in corner a pet ṭhin avang hian a hunlaia England boss Roy Hodgson chuan sawisel a tawk nasa hle.

England-in manager thar Sam Allardyce an nei a, Sunderland boss hlui hnuaia corner pettu chu Wayne Rooney a ni. Tottenham Hotspur striker chuan a hun tawn thlir kirin, "Corner chu ka pet tawh lo ang, Euro-a thil thleng chungchang kha kan sawi chhuak a, manager thar Sam nen fiamthu thawh nan hmangin kan nuih a za hle a ni," a ti!

Kum 23-a upa striker chuan sawi chhunzawmin, "Ka duh ber chu box chhunga goal khung tura awm a ni a, goal khung zel pawh ka inbeisei," tiin a sawi a, Roy Hodgson-a hnuaia a dinhmunah khan a lo lungawi chiah lo niin a lang!

Tottenham striker rinrawl chuan, "Ka corner pet chungchang kha social media lamah pawh an sawi nasa em em a, lo nuihpui mai hi tih theih awmchhun a ni tawh. Euro-ah khan a thleng tur chu a thleng tawh a, kan duh ang result hmu lo mah ila football a ni miau si. Mahse, heng hun duhawm lo te hi footballer kan nihna anga min chhertu pawimawh tak a ni ve thei a ni," tiin a êng zawngin a thlir thiam hle.