Ronaldo leh Benzema ten training zawm

Real Madrid hma tawng pahnih Cristiano Ronaldo leh Karim Benzema te chuan Thawhṭanni khan club training an zawm ve ta. Coach Zinedine Zidane-a'n a duh a nih chuan tun kar tawpa Osasuna an hmachhawn hunah a star player te hi a chhawr thei tawh ang.

Ronaldo hian Euro 2016-ah khan an ram a champion pui a, final-a France an hneh ṭum khan a khupah hliam tuarin tun thlengin a la inkhel leh rih lo. Striker Benzema pawh Euro-ah khan khelmual pawn lam buaina vangin inlan loin a khel bawrah hliam a nei zui a, tun season-ah a la inlan thei bik lo bawk.

Tun dinhmnah Real Madrid hi an first team player 14 zet inter-national match khela an kal chhuah avangin an player langsar pahnihin training an zawm thei ta hi chanchin lawmawm a ni ang.

Zidane a kaihhruai Real Madrid hian season bul ṭan nan Champions League champion leh Europa League champion ten an khelh
ṭhin UEFA Super Cup-ah Sevilla 3-2 in an hneh a, La Liga-ah match hnih khel tawhin Real Sociedad leh Celta Vigo te an hneh tawh.