Manchester Derby-ah Mkhitaryan?

Armenia captain Hen-rikh Mkhitaryan chu Inrinni tlai dar 5:00-a khelh tur Manchester Derby atan a dinhmun a la chiang lo.

Borussia Dortmund
aṭanga Manchester United zawmtu Mkhitaryan chuan, "Ka inhliam dam theih nan theihtawp kan chhuah a, kartawp inkhel tur atan ka dam hman ang em tih a la chiang lo. Khelmual chhunga let leh thuai turin beiseina leh phurna sang tak ka nei a, football khel leh thuai turin ka theihna zawng zawng ka sawr khawm a ni," tiin Instagram-ah Thawhṭanni khan a ziak.

Armenia hian captain Mkhitaryan tel lo hian Denmark 1-0 in an hneh lo a, United midfielder chuan a teammate-te thawh-rimna a fak rualin a tel thei lo chu pawi a tih thu a ziak tel bawk. Kum 27-a upa Mkhitaryan hi friendly match-a Czech Republic nen an inkhelh ṭumin Marek Suchy nen a intauhna lamah a malpuiah hliam a tuar a, FIFA World Cup qua--lifier-a Denmark an hneh loh ṭum pawh hian Copenhagen-ah zin ve loin Manchester-ah inenkawl turin a let hma thung.