Pogba aia Higuain dah sangtu Crespo

Argentina legend Hernan Crespo chuan pound maktaduai 89.3-a Manchester United zawmtu Paul Pogba ai chuan pound maktaduai 75.3-a Juven-tus pantu Gonzalo Higuain chuan a man a phu zawk thu a sawi.

AC Milan leh Chelsea tan pawha lo khel tawh striker chuan, "Juventus hian pound maktaduai 75 chuanga Higuain an lei ngam chuan a man hi a phu tawkah an ngai tihna a ni mai. Club dangin pound maktaduai 89 bawr vela Pogba an lei ngam a nih chuan season hman zawh taka goal 36 khungtu lei nana pound maktaduai 75.3 sen hi thil awm ngawih ngawih a ni a, sum hman dan awmze nei zawk a ni," tiin Juventus insenna chu awm a tih thu sawi pahin United a kap.

Kum 2000 khan Crespo lakluh nan hian Lazio chuan Parma hnenah pound maktaduai 35 an lo pe tawh a, a hunlaia footballer manto ber a ni. Lazio-ah hian season hnih hman chhunzawmin match 73 a inlanah goal 48 a khung sak a, a man a phu zia a lo pholang tawh. Champions League, Premier League leh Serie A nomawi lo chawi tawh striker hian amah ang thoin Higuain hian a man zat a rulh let theih a beisei a ni.