Wenger-a'n Mustafi a beisei sang

Arsenal manager Arsene Wenger chuan a defender lei thar Shkodran Mustafi chu huaisen taka chona hmachhawn ṭhin a nih avangin Emirates Stadium-ah a hlawhtlin a beisei thu a sawi chhuak.

Wenger chuan, "Tlar hnung laia khel tur kan mamawh a, a chhan chu kan captain hliam vanga hun rei tak kan chhawr theih dawn loh vang a ni. Mustafi hian Italy leh Spain-ah tawnhriat a nei tawh bakah Germany tan a khel ṭhin bawk," tiin Valencia aṭanga pound mak^--ta-duai 35 zeta a lakluh defender chuan tawnhriat a ngah tawh thu a sawi.

Germany interna-tional chungchang sawi chhunzawmin, "Khing-puite lo dan chauh a thiam a ni lo a, ball in pek kual pawh a thiam hle. Hun harsa tak kara thutlukna siamfel thei a nihna hi kan team-in kan ṭangkai pui ang," a ti.

Gunners hian season hmasa khan league-ah goal 36 an chhuah a, an aia chhuah tlem chu goal 35 chhuahtu Tottenham Hotspur leh Manchester United te chiah an ni a, kuminah defender thar an neih tak avangin beiseina an neih san belh hi a awm lo hran lo.

Arsenal hi tun season-a Premier League-a an match hmasa berah Liver-pool 4-3 in an hneh lo a, champion lai Leicester City nen goal lut loa inhnehtawkin an match hnuhnung berah erawh Watford 3-1 in an hneh thung. Tunkar Inrinni zan hian Southampton an hmachhawn leh dawn a ni.