Durand Cup 2016 Semifinal-a Aizawl FC khingpui tur tu nge?
Aizawl FC-in Durand Cup khelh mekah semifinal an lut chiang tawh a, an khingpui tur erawh a la chiang lo. MPL champion hian September 8, Ningani hian group match hnuhnung berah semifinal luh beiseina nei tawh lo Real Kashmir FC an hmachhawn dawn a, result azir hian an khingpui tur a hriat theih ang.
DSK Shivajians nen...
Vawiin hian Neroca FC leh Army Red-te an inkhel dawn a, Manipur club hi an chak chuan Mizo club hian group hmahruaitu ni turin Real Kashmir FC an hneh a ṭul ang. MPL champion hian pahnihna ni chunga group stage an khar a nih chuan an khingpui tur chu DSK Shivajians an ni.
Group A-ah Pune club DSK Shivajians hi hmahruaitu an ni chiang tawh a, I League season hman zawh taka table mawngphaha awm DSK hian coach thar atan academy lama an hotupa Dave Rogers an lalut tawh. English coach hnuaiah Vanlalremkima (Tetea), K. Lalṭhathanga leh Sairuatkima te chu senior team-ah sawn chhoh an ni a, AFC academy chhuak Tetea leh MPL4 best midfielder Puitea ten hmun pawimawh an chang.
DSK-ah hian Mizo defender
ṭha Zohmingliana Ralte a awm a, Real Madrid youth system chhuak Juan Quero la awmin Bengaluru FC aṭangin Kim Song-Yong an lalut bawk. Aizawl FC hian DSK Shivajians hi I League-ah ṭum hnih ngawt an hneh a, Mizo club hi group hmahruaitu an nih hmel tho avangin semifinal-ah an intawn a rinawm loh.
Engtin Zel?
Mizo pali awmna Army Red-in Neroca an hneh a nih chuan semifinal an lut dawn a, Aizawl FC-in Real Kashmir FC laka point an hmu lo a nih pawhin hmahruaitu an ni ang.
AFC hi an coach K. Malsawmkima'n chhungkaw harsatnaa inelna bul a ṭan pui theih loh hnuah nimin khan Mala hian Delhi a thleng a, I Day Football leh MFA Super Cup an champion ṭuma coach hoin Durand Cup an hmachhawn tawh dawn a ni.
AFC hi hmahruaitu ni ta se, tun dinhmunah chuan nimin lama Minerva Academy 5-0 a sawptu Sporting Goa (Flaming Oranje) chu an khingpui tur a ni. Amaherawhchu vawiin lama Gangtok Himalayan leh Army Green inkhela chak zawk an awm a nih chuan point thum hmu zawk hi Aizawl FC khingpui tur chu a ni.
Vawiin inkhelah hian chak zawk an awm lo a nih chuan Gangtok Himalayan leh Sporting Goa ten point sarih ve ve an hmu ang a, Goan club hi an inkhelh tawhnaah 5-1 a an chak avangin AFC nen semifinal-ah an inhmachhawn ang.
GROUP STAGE
Group A
Nimin Inkhel Result
Sporting Goa 5 - 0 Minerva FC
Vawiin Inkhel Tur
Gangtok Himalayan Vs Army Green
Team Dinhmun
# Team Pld W D L GF GA GD Pts
1 DSK Shivajians 5 3 1 1 10 8 2 10
2 Sporting Goa 5 2 1 2 13 6 7 7
3 Indian Navy 5 1 3 1 9 7 2 6
4 Gangtok Himalayan 4 2 0 2 6 8 -2 6
5 Army Green 4 1 2 1 6 6 0 5
6 Minerva Academy 5 1 1 3 4 13 -9 4
Group B
Nimin Inkhel (Result kan hre hman lo)
Real Kashmir Vs Indian Air Force
Vawiin Inkhel Tur
Neroca FC Vs Army Red
Dempo SC Vs Indian Air Force
September 8, Ningani
Aizawl FC Vs Real Kashmir FC
Team Dinhmun
# Team Pld W D L GF GA GD Pts
1 Aizawl FC 4 3 0 1 5 2 3 9
2 NEROCA 4 2 2 0 5 2 3 8
3 Army Red 4 1 2 1 5 5 0 5
4 Dempo 4 1 1 2 12 6 6 4
5 Indian Air Force 3 0 2 1 3 4 -1 2
6 Real Kashmir FC 3 0 1 2 10 4 6 1
SEMIFINAL
September 9, Zirtawpni
Group A Winner Vs Group B Runner Up
Group B Winner Vs Group A Runner UP