AFA nen buaina kan nei lo - Bartomeu

Barcelona president Josep Maria Bartomeu chuan Argentinian Foot-ball Association (AFA) nen Lionel Messi chung-changah buaina an neih loh thu a sawi.

Argentine forward Messi hian La Liga-a Athletic Bilbao 1-0 a an hneh ṭumin a ṭhal leh khel bawrah hliam a tuar a, heti chung hian AFA lam chuan World Cup qualifier-a Uruguay an hmachhawn ṭumin an khelhtir a, goal awmchhun a khung nghe nghe. Bartomeu chuan, "AFA hnenah hliam tenau a tawrh thu kan hrilh a, Uruguay nena an inkhelh ṭumin kheltir lo turin kan hrilh lo. Messi anga player ṭha bikah chuan risk lak chi a ni lo a, uluk taka enkawl an ngai a ni," tiin an player pawimawh an enkawl danah an fimkhur thu a sawi.

Tukin zing khan Ar-gen-tina-in Venezuela an hma-chhawn a, Uru-guay nen an inkhelh ṭuma inhliam belh Messi a tel tawh lo. Bar-celona forward Messi hi kartawpa Catalan club-in kai thar Alaves an hmachhawn hunah pawh awltir a ni dawn a, Thawlehni zana Champions League match hmasa bera Celtic an mikhual hunah pawh a inlan hman a beiseiawm loh.

Barcelona chuan, "Endik a nih hnuah Leo Messi-a'n a hliam chungchangah harsatna a la nei a, midang training ang zat a nei thei rih lo ang. A inlan leh hun chu a hmasawn chak dan a zir a ni ang," tiin thuchhuah an siam. Messi erawh facebook kaltlangin a hliam chu ngaihtuahawm a nih loh thu a sawi thung.