Messi-a'n Barca training a zawm

Lionel Messi chu Argentina tan World Cup qualifier-ah inlan thei lo mah se nimin khan Barcelona training a zawm leh thei tawh.

Copa America final-a Chile an hneh loh hnuah Messi hian ram tana inkhelh a chawlhsan thu a sawi a, thla hnih hnuah lo kir lehin Uruguay an hnehna goal awmchhun a khung - hemi ṭum hian a malpui hliam sa chu tih nat belhin Venezuela a hmachhawn theih loh phah.

Catalan club tan Mes-si-a'n training a zawm thei hi chanchin lawmawm a ni mah se tun kar tawpa kai thar Alaves an hmachhawn hunah chuan an hahdamtir a la rinawm zawk.

Captain Andres Iniesta pawh tunkar tawp lam hi chuan a inkhel thei tawh maithei. Spain midfielder Iniesta hi thla hmasaa Sevilla nen Spanish Super Cup first leg an khelh
ṭuma a khup na vangin tun season-ah a la inlan lo a ni.

Kum 32-a upa Iniesta chuan, "Ball ka pet ve leh ṭan tawh a, khelmual chhungah ka inlan hnai ve tawh. Inkhelh châk em em chunga team zinga tel loh hi a hreawm duh a, a chang chuan dawhtheih hi a ngai hle a ni," tiin a sawi.