T20 Record thar siamtu Australia

Australia chuan Thawh-lehni zan khan T20 match khata run siam hnem ber ni turin run 263 an vaw chhuak. T20 series match hnih khelh tura match hmasa zawkah Sri Lanka chu mi pathum chiah hloh chungin run 85-in an sawp.

Sri Lanka hian kum 2007 khan Kenya lakah run 260 vaw chhuakin record an lo siam tawh a, an record siam ngei hi an lakah Australia chuan an thaichhe ta a ni.

Australian all rounder Glenn Max-well chuan run 145 siamin T20 match khata run siam hnem ber dawttu a ni nghal a, kum 2013-a England laka run 156 lo vaw chhuak tawhtu Australian batsman tho Aaron Finch chiah a tluk lo.