MVA Pro Division champion TNT

Mizoram Volleyball Asso-ciation Pro Division leh Aizawl District Volleyball Association 1st Division Season Opening Tournament final chu Thawhlehni khan R. Dengṭhuama Indoor Stadium-ah khelh zawh a ni.

MVA Pro Division mipa final-ah TNT VC chuan 3-0 a Hunthar VC hnehin an champion. Cham-pion TNT hi Rs 25000-in an hausak belh a, Hunthar VC chu Rs 15000 nen pahnihna dinhmunah an lungawi a ṭul thung.

MVA Pro Division hmeichhe final-ah Electric Veng VC chuan 3-0 a Power Dept SC hnehin nomawi an chawi bawk a, champion manah Rs.15000 an dawng tel. Power Dept SC hian Rs. 8000 dawng thungin inelnaa tel team zawng zawng ten Rs 5000 ṭheuh an dawng bawk a ni.

ADVA 1st Division mipa final-ah Chanmari West VC chuan 3-0 a an khingpui Tachhip VC hnehin Rs. 15000 an dawng a, pahnihna Tachhip VC-in Rs 8000 an dawng thung. ADVA Ist Division mipa zingah Chanmari West VC player Hmangaihthanga chu Best Player a thlan niin Rs. 1000 a dawng.

Hmeichhe final-ah Durtlang VC an hawi sang ber a, Dinthar VC chu 3-0 a hnehin an champion. Champion team hian Rs. 12000 dawngin pahnihna Dinthar hian Rs. 6000 an dawng thung. Durtlang-in nomawi an chawi theihna kawnga player pawimawh B.Tlangnawii chu best player-ah thlan a ni a, Rs. 1000-in a hausak belh.

Thlirna Tawi

MVA Pro Division

Mipa final

TNT VC 3-0 Hunthar VC

(25-19, 25-22,25-19)

Hmeichhe Final

Power Dept. SC 0-3 Electric Veng VC

(17-25, 14-25, 22-25)

ADVA 1st Division

Mipa Final

Tachhip VC 0-3 Chanmari West VC

(13-25, 19-25, 14-25)

Hmeichhe Final

Durtlang VC 3-0 Dinthar VC

(25-17, 25-13, 25-19)