Neymar & Brazil invawrh zel

World champion vawi nga ni tawh Brazil-in beisei angin 2018 World Cup qualifying match hmasa lamah khel lo mah se tun hnaiah an rawn par chhuak ta. Ningani zing khan hun tawp dawna Neymar-a goal hmangin Colombia an hneh a, table-ah pahnihna an ni. Inkhel dangah Argentina leh Chile ten an khingpuite an inhnehtawk pui ve ve bawk.

Kum 24-a upa Neymar hian Brazil tan match 72 a khelh aṭangin goal 48 a khung tling ta a, an ram legend Zico goal khung zat record nihrual chiahin an ram tana record nei
ṭha ber Pele (77) erawh a la hlat deuh a, a kum ngaihtuahin hei pawh hi a khum lo ang tih a sawi theih loh.

Messi tel lo Argentina

Captain Lionel Messi tel loa inlan Argentina-in khualmualah Venezuela an inhnehtawkpui a, point hmu lo tur dinhmuna an din hnua point khat an hlawh chhuak hi an vannei.

Estadio Metropoli-tano-a in-khelah Edgardo Bauza naute an talbuai a, Venezuela tan midfielder Juanpi leh forward Josef Martinez te goal khung hmangin 2-0 in hma an hruai. Mahse, tun hnai kum thum chhunga major tournament final vawi thum khel thei Argentina tan forward Lucas Pratto leh defender Nicolas Otamendi ten an si phurh an sut.

Inkhel dang

South America aṭanga football thiam ram tia sawi ṭhin pakhat Uruguay chuan an mikhual Para-guay sawpin table hmahruaitu an ni leh ta a, Copa Ame-ri-ca-a a zawna vawi hnih champion thei Chile erawh-in Bolivia chu goal awm loa inhnehtawk puiin an dinhmun an la siam ṭha thei lo chhunzawm zel.