Messi leh Ronaldo angin ka ṭha - Sanchez

Arsenal forward Alexis Sanchez chuan khawvela footballer ṭha ber anga ngaih Lionel Messi leh Cristiano Ronaldo-te tluk zeta a thiam thu leh theihna a neih thu a sawi!

Sanchez hi Barcelona-ah Messi nen an khel dun
ṭhin a, mah se Nou Camp-ah hmun pawimawh a chan phak loh avangin 2014-15 season ṭan dawn khan Catalan club hi chhuahsanin Arsenal hi a zawm a ni.

Gunners tan league match 68-a inlana goal 30 khung thei forward chuan, "Khawvela player ṭha ber ber te nena inelphak tur khawpin ka thleng sang tawh a ni. Tu lakah mah ka indah hniam duh lo a, Messi leh Ronaldo thiamna ang hi ka nei a, anmahni ang thoin theihna ka nei sang a ni," a ti.

Kum 27-a upa Sanchez hian professional football a khelh hnuah club hrang hrang tan match 478 khel tawhin goal 137 a khung a, goal khung lamah chuan match 567-a goal 467 khungtu Lionel Messi leh match 673-a goal 487 khungtu Cristiano Ronaldo te erawh a la phak rih lo hle.