Conte-a'n min suih khawm - Gary Cahill

Premier League table-a 10-na ni chungin Chelsea chuan season hmasa an khar a, kum 20 chhunga league-a an nih hniam ber ṭum tawngin an nomawi kawl lai chu Leicester City lakah an hloh chiang hle. Blues defender Gary Cahill chuan season liam ta ang lo takin manager thar Antonio Conte hnuaiah an boruak a ṭhat tawh thu a sawi chhuak.

Blues hian nikum De-cember thla khan ma-nager Jose Mourinho chu contract thar a ziah aṭanga thla li hnu lekah an ban! Khelmualah result ṭha an nei thei loh chhan hrang hrang zingah Portuguese manager hnuaiah hian dressing room boruak a
ṭha tawk lo nia sawi a ni.

Chelsea hian an ropui tawh ṭhinna ang neih let leh beiseiin Antonio Conte an lalut. London club hian Italian manager kaihhruaina hnuaiah match li khel tawhin hnehna an la chang fai vek.

Italy a enkawl laia 'Goal khung ṭeuh a ngai lo a, kan khingpuite aia khung tam zawk nih a tawk mai' lo ti tawhtu Conte hian a thupui ngai a la vawng nung reng tih a chiang a, a club hian match li a enkawl tawhah goal 10 khungin an lamah ṭum li a lut thung.

Kum 30-a upa Cahill chuan, "Season hmasa khan kan inpumkhatna leh inrintawkna kan hloh a, chu chu hmuh theihin a lang chhuak. Player tin mai khan hmun dang leh thil dang an ngaihtuah ta emawni tih mai tur a ni, inpumkhatna ka sawi khan min ngaihsak lo a, mimal thil kan ngaipawimawh zawk niin a hriat theih," tiin season liam ta a club boruak a sawi.

England international defender chuan an indin thar thu sawiin, "Thiamna leh theihna kan nei a, a pawimawh chu rilru puthmang a ni. Tunah chuan kan inpawhna a ṭha leh tawh a, kan thil tum leh hmabak kan hrechiang leh tawh a ni," tiin manager thar hnuaiah boruak a danglam thu a sawi.

Chelsea hian Pathian-ni zan dar 8:30 hian Swan--sea City an lenchilh dawn a, lea-gue-a an elpui Manchester City leh Manchester United ten derby an khelh dawn avangin point thum lo hmuh-na hunṭha a ni ang.