Sunderland keeper thar Mika

David Moyes-a en-kawl Sunderland chuan Boavista goalkeeper Mika chu season hnih chhung an hnena khel turin contract an ziahpui a, a man zat erawh tarlan a ni lo thung.

Nipui transfer bazar tawp tawh mah se Mika hian August 31 hma khan lehkha pawimawh tihfel ngaite a tihfel hman avangin FIFA chuan Black Cats a zawm hi an phalsak.

Sunderland hian an first choice keeper Vito Mannone chu hliam vangin thla thum chhung an chhawr thei dawn lo a, kum 28-a upa keeper aiawh tur hian Portuguese keeper hi lakluh a ni ta a ni.

Kum 25-a upa Mika hian a chhuahsan tak Pri-meira Liga club Boavista hi kum 2014 khan a zawm a, season hman zawh takah khan inelna hrang hrangah vawi 30 inlanin tun season-ah pawh match thum chu a inlan sak hman nghe nghe.