Match hnih hnuah Palermo coach thar

Serie A club club Palermo coach Davide Ballardini chuan league match hnih chauh a enkawl hman tihin Italian club hi a chhuahsan a, a aiawh turin Roberto de Zerbi chu ruat nghal a ni.

Kum 37-a upa De Zerbi hian August thla khan a team enkawl lai third division club Foggia chu a chhuahsan a, a thlak tak coach Ballardini hi January 2016 khan ban lo ni tawhin April thlaah rawih nawn leh a ni a, tlak hlauhawma awm Palermo hi Serie A-ah a inhamtanpui.

Palermo hian Serie A match hnih an khelh tawh aṭanga point khat hmuin 15-na an ni mek a, club president Maurizio Zamparini hian season hman zawh takah ringawt khan coach pariat a ban hman a ni.

Kum 2002-a a hunlaia Serie B club Palermo leitu Maurizio Zamparini hian Palermo a neih hma hian fourth division club Venezia-ah te pawh neitu a lo ni tawh a, kum 29 chhung club neitu dinhmuna a din hnuah coach 60 bawr vel a ruai tawh!