US company-in Formula 1 lei dawn

American mass media com-pany Liberty Media chuan Formula 1 infiamna chu pound tluklehdingawn 3.3 in an lei dawn - billionaire John Malone hian F1 hi a lei a nih chuan infiamna khaw-vela in leina lian ber a ni ang.

Kum 85-a upa Bernie Eccles-tone chu chief executive a nih chhunzawm dawn a, 21st Century Fox vice-chairman Chase Carey chu F1-ah hian chairman a ni tawh thung dawn a ni.

Liberty Media hian infiamna leh sumdawnna an lo kalkawp tir tawh ṭhin a, Major League Baseball club Atlanta Braves-ah pawh thuneihna an nei thuk hle. Liberty hian khawvela car intlansiakna lian berah hian thuneihna an nei pumhlum nghal dawn lo a, thuneitu lamin an inremna an pawm phawt a ngai dawn.

Liberty Media chief executive Greg Maffei chuan, "Media kaltlanga infiamna huanga kan zuan luh zel avanga Formula 1 inelnaah pawh kan lut tur hi a lawmawm hle," a ti.

Kum 40 chhung teh meuh mai F1 lo chenchilh tawh Ecclestone pawhin Liberty Media leh Chase Carey te chu Formula 1 huangchhunga a lo lawmluh thu leh anni ho nena thawh-ho a chak thu a sawi der tawh a ni.