Palace-ah Flamini a lut

Crystal Palace chuan Arsenal mid-fielder hlui Mathieu Flamini chu season tawp thleng an hnena khel turin contract an ziahpui. Kum 32-a upa Flamini hian nipui transfer lai khan Gunners hian contract thar ziahpui loin an chhuah zalen a ni.

French mid-fielder hian kum 2004 khan Marseille
aṭangin Arsenal a zawm a, kum 2008-ah AC Milan a zawm hnuin 2013-ah khan Emirates Stadium-ah bawk kir lehin a vawi hnih nan Gunners hi a chhuahsan a, FA Cup nomawi pathum a chawi hman.

Palace manager Alan Pardew chuan, "Flamini thiamna hian hmasawn zawngin min pui ang tih ka chiang a, khelmual chhunga hruaitu ṭha tak a nih bakah passing game hmanga hnehna chang
ṭhin mi a ni," tiin a player thar chungchang a sawi.