Antony-a'n goal khung leh ta

Manchester United aṭanga loan-a Real Betis pantu Antony chuan a zawna a vawi thum nan goal a khung leh ta a, Real Sociedad chu 3-0 in an hneh - Marc Roca chuan goal hnih a khung a, goal khat hi Antony siamsak a ni bawk.

Sociedad hian player pakuain hnu an khar a, minute 20-naah Igor Zubeldia chu hnawhchhuah niin, goal thum an chhuah hnuah Sheraldo Becker chu hnawhchhuah a ni ve leh bawk.

Kum 24 mi Antony hian Betis tana a match hnuhnung pathumah goal thum a khung ta a, hemi hma a match hnuhnung 30-a a goal khung zat nen a inang.

Brazilian forward hian season tawp thleng atan Betis hi loan-in a zawm a, Spanish club hian a hlawh 80% an tum nia sawi a ni a, hei hi kar khatah £100,000 a la tling!

Betis hi an chak avangin table-ah pariatna an ni ta a, Real Madrid chuan hma an la hruai chhunzawm - nizan khan Barcelona an inlan a, an chak chuan Real nen an point hmuh zat a inang ang.