Nimin aṭangin D Licence Coaching Course

Reliance Foundation Young Champs (RFYC) leh Mizoram Football Association (MFA) ṭangkawpin tunkar chhung hian Naupang League-a coach-te tan 1st Bn MAP Ground, Armed Vengah AIFF D Licence Course a buatsaih dawn.

Course hi February 17-22, 2025 chhung a ni dawn a, instructor hi AFC A Licence coach Vikash niin Mizo coach pahnih Lalrindika (Mission Vengthlang) leh R. Lalruatfela (Kolasib) ten an pui. Tun ṭum coaching course hi Reliance sponsor a ni a, coach 25-in a thlawn vekin an inzir ang.

Instructor Vikash hi A Licence coach a nih bakah Goalkeeping Level 1 coach a ni bawk. Vikash chuan, "Mizoram hi football hmunpui a ni a, coach-te chungah ka beisei sang. Coaching course rawn chhimte an theihna a sangin ka hria a, ka beisei sang khawp mai. Ṭha takin kan zo thei ang," tiin Vanglaini a hrilh.