Nghawng ṭha a neih ka beisei - Medvedev

Damdawi hman phal loh a hman avangin Jannik Sinner chu thla thum chhung inkhel thei lo tura hrem a ni a, world number 1 hlui Daniil Medvedev chuan hremna hian midang tan pawh nghawng ṭha a neih a beisei thu a sawi.

Dan bawhchhiate an hrem dan a inang lo ṭhin hle a, damdawi hman phal loh chungchang endiktu World Anti-Doping Agency (WADA) leh infiamna lama thubuai ngaihtuahtu sang Court of Arbitration for Sport (CAS) thu ngei pawhin sawi zui a hlawh ṭhin.

Russian tlangval Medvedev chuan, "A lam dan chuan WADA hian dan i bawhchhia, hun rei tak hrem tur i ni tiin min lo hrilh se la, kei chuan rei lo deuh zawk hrem tur ka nih thu lo sawi ila, chutiang deuh chu ni maiah ka ngai.

"Tuna hremna lekkawh ang hi midang chungah pawh a nih theih dawn chuan a ṭha, chutihrualin player ṭhenkhat chuan dan hremi rawihna tur sum an tlachham a, an dikna an hum ve thei lo ang tih erawh a hlauhawm.

"A hma pawhin player ṭhenkhat chuan chhantu an nei lo a, anmahni leh anmahni thiamthu an sawi chawp ṭhin, chung mite chuan nghawng an nei thui lo ṭhin tih kan lo hmu tawh.

"Pawisa nei leh mi langsar te chauhin hetianga beih let theihna remchang an nei a nih chuan a ṭha lo hleah ka ngai a, amaherawhchu player zawng zawngin an bei let theih a nih erawh chuan nghawng ṭha tak a nei ngei ang," a ti.