Humbert-a'n nomawi humhim

Tennis khel thiam Ugo Humbert chuan Marseille ATP title a kawl lai a humhim, professional tennis a luhchilh hnua nomawi paruk a lak tlinna turah hian Hamad Medjedovic chu a hneh a ni.

Humbert hi seeded pahnihna pek a ni a, champion leh tura rinkai a ni bawk. Pathianni zan final hmuhnawmah world number 96 Medjedovic hi 7-6 (7/4), 6-4 in a hneh.

France rama hard court inelna hi Humbert tan hmun ṭha a ni, match a khelh hnunhnung 19 aṭangin vawi 18 ngawt a chak thei, ṭum khat chiah a chak lo zawka ṭan ṭum a nei tihna a ni.

Tualchhung tlangval Ugo Humbert chuan, "Ka khingpui kha tun hmain ka la hre ngai lo, player ṭha leh hmabak nei êng tak a ni tih erawh ka hrechiang ta hle a ni," tiin a sawi.

Chak lo zawk Medjedovic kha kum 21 mi a ni a, 2023 ATP NextGen champion niin senior huangah a nomawi hmasa ber a la beisei ve mek.