Blades chelhtu Danny Welbeck

Premier League table mawngphaha awm Sheffield United-in Brighton & Hove Albion lakah point thum hmuhna remchang nei mah se Danny Welbeck-a'n an beisei a titawp.

Amex Stadium-ah Sheffield player pawi-mawh John Lundstram chu minute 40-naah hnawhchhuah a ni a, player 10-a khel chungin Blades-in Jayden Bogle hmangin minute 63-naah hma an hruai.  Tun season-a chak la nei lo, Sheffield United-in chak theihna hun ṭha nei mah se minute 87-naah Brighton tan Danny Welbeck-a'n siphurh sutna goal a khung. Blades hian tun season match 14 an khelh aṭangin point hnih chiah an hlawh chhuak a, table mawngphahah 

an awm.