Pound maktaduai 600?

Manchester Derby-a inkhel bul ṭan thei tura ngaih player man zat belhkhawm ringawt hi pound maktaduai 600 a chuang. Premier League club ṭha ber pahnih inkhel tur tihah football ngaihnatute an lungawi vek lo a nih pawhin player nei manto club pahnih tih erawh an pawm a
ṭul. Khawvel league ṭhang duang ber Premier League pawhin tun ṭum ang renga player manto remkhawm thei team inkhel hi a la hmu ngai lo.

Man Utd (4-4-1-1): De Gea (£18.9m); Valencia (£16m), Bailly (£30m), Blind (£13.8m), Shaw (£27m); Mata (£37.1m), Pogba (£89m), Fellaini (£27.5m), Martial (£36m); Rooney (£27m); Ibrahimovic (Free)

Total : £322.3m

Man City (4-1-1-3-1) : Bravo (£15.4m); Zabaleta (£6.45m), Stone (£47.5m), Otamendi (£32m), Clichy (£7m); Fernandinho (£30m); De Bruyne (£55); Sterling (£47.5m), Silva (£24m); Navas (£14.9m); Nolito (£13.8m)

Total : £293.55m

A chunga tarlan hi starting eleven chang thei tura beisei chauh an ni a, chutichung chuan player man belkhawm hi pound maktaduai 600 chu a tling der tawh. Manchester United lakluh thar Henrikh Mkhitaryan (£23.5m) bakah Ander Herrera (£29m), Phil Jones (£17m), Marcos Rojo (£16m) leh club naran kawl theih loh tur player hming a la lang lo nual.

Manchester City lamah hrem vanga khel thei lo tur Sergio Aguero (£38m) bakah player thar Leroy Sane (£37m) leh Ilkay Gundogan (£20m) telh an ni bik lo. Hei chauh hi a la ni lo, kum ruk liam taa lakluh Yaya Toure (£24m) hi a hunlai pawhin player man tlawm tiin an sawi ngai lo. City hian Eliaquim Mangala (£32m), Wilfried Bony (£28m), Samir Nasri (£25m), Marlos Moreno (£4.75m) leh England no. 1 Joe Hart (£0.6m)te loan-in an la chhuahtir thei a, sum ngah ngah an hmelṭha tih hi football khawvelah a dik a nih ngai chuan chuan Manchester khaw club zuna uai hi na tur a ni.

Note : Transfer hi official-a puanzar vek a nih loh avangin thuthar thehdarhtuten an rin dan bawr vel an ziak mai ṭhin. Tuna kan tarlan hi BBC behchhana ziah a ni.