Pogba khan chhuah a duh - Marotta

Juventus chief executive Giuseppe Marotta chuan Paul Pogba an chuah-tir chhan chu French midfielder khan Turin club hnenah chhuah a dil vang niin a sawi.

Kum 23-a upa Pogba hian khawvela player man to ber ni turin August thla khan tun hma lama amah lo hnawl tawhtu Manchester United a zawm.

Marotta chuan, "Pog-ba kha chhuahtir kan duh ngai lo a, coach leh fan-te duh a nih avang leh club player pawimawh a nih avangin kan hnena a cham zel turin kan duh a ni. Mahse, amah berin hmun hrana boruak danglam tawn a duh," tiin a sawi.

Serie A champion Juve hian an midfielder pawimawh hi chhuahtir mah se Napoli aṭangin striker Gonzalo Higuain bakah Miralem Pjanic leh Marko Pjaca te lalut thungin tun dinhmunah chuan Pogba hi an la ngai hran lo niin a lang.

A zawna league no-mawi vawi li chawi tawh Juve hian tun season-ah Serie A match hnih khel tawhin hnehna an la chang ve ve a, zanin dar 9:30 hian Sassuolo an lo mikhual leh dawn.