Madrid khaw club an bazar thei dawn lo!

Real Madrid leh Atle-tico Ma-drid chuan transfer bazar-ah player lalut thei lo tura hrem an lo nih tawhna ngaihtuah nawn tura FIFA hnena an thlen chu football khawvel thuneitu sang ber hian an hnawl sak.

Madrid khaw club pa-hnih hi FIFA chuan kum 18 hnuailam player dik lo taka lalutah puhin January khan transfer bazar ṭum hnihah player lalut thei lo turin a hrem a, mah se club pahnih hian ngaih-tuah nawn tura an thleng avangin kumin nipui bazar-ah kha chuan hrem-na hi an la tuar hman lo.

Real chuan FIFA thutlukna chu behchhan mumal nei lo niin a sawi a, Atletico chuan thutlukna khinglet turin khawvel huapa dan lam mithiamte an rawn mek thu leh an club zahawmna humhim tura theihtawp an chhuah chhunzawm tur thu an sawi bawk.

FIFA chuan, "Club pahnih hian transfer bazar inhawn leh hmasak pahnihah player an lakluh a rem dawn lo a ni," tiin thuchhuah an siam a, Real hi £249,000 chawi tura tih niin Atletico chu £622,000 chawi turin an ti bawk. Club pahnih hian hrem an nihna hi infiamna khawvela thuneitu sang ber Court of Arbitration for Sport hnenah an zualko pui leh ngei rin a ni.

Real Madrid hian kum-in nipui bazar-ah Marseille midfielder Lucas Silva leh Juventus striker Alvaro Morata an lalut a, Atletico hian France striker Kevin Ga-meiro, Croatia defen-der Sime Vrsaljko, Italy win--ger Alessio Cerci leh Argentina midfielder Nicolas Gaitan te an lalut bawk.

April 2014 khan Bar-celona chu kum 18 hnuai lam player an lakluh vang hian hrem an lo ni tawh a, hetichung hian Arda Turan leh Aleix Vidal lalutin an hremna hlih a nih hnuah chauh an chhawr thei thung.

Zanin Inkhel Tur

Celta de Vigo 4:30 PM Atlético Madrid

Real Madrid 7:30 PM Osasuna

Málaga 9:45 PM Villarreal

Sevilla 9:45 PM Las Palmas

Barcelona 12:00 AM Deportivo Alavés

September 11, Pathianni

Sporting Gijón 3:30 PM Leganés

Valencia 7:30 PM Real Betis

Granada 9:45 PM Eibar

Deportivo La Coruna 12:00 AM Athletic Bilbao