Hall of Fame-ah Shaq

NBA star ropui lo ni tawh ṭhin kum 44-a upa Shaquille O’Neal chu nimin khan basketball’s Hall of Fame-ah lakluh a ni. Shaq rual hian Allen Iverson, Michigan State coach Tom Izzo leh Houston Rockets center hlui Yao Ming te pawh lakluh an ni ve bawk.

Orlando Magic, LA Lakers leh Miami Heat te pawha lo khel tawh center hi a vanglaiin NBA champion team-ah vawi li a tel a, kum 2000 khan Most Valuable Player atana thlan a ni nghe nghe.

Feet 7 leh inches 1 zeta sang Shaq hi 1996 Atlanta Olympic-ah khan United States tana lo inlan tawh a, gold medal a dawn pui. 1994 Canada World Championship-ah khan an ram a lo champion pui tawh bawk.